A Xunta de Galicia decidiu finalmente abordar a necesaria reforma dos seguros agrarios paras viñedo e adaptalos á realidade de Galicia. As fortes xeadas de hai dúas semanas puxeron de relevo o grave problema da falta de contratación de pólizas na Comunidade, xa que menos do 20% dos viticultores.
Unha baixa cobertura que segundo Unións Agrarias ou o Sindicato Labrego se debe a que tal e como están concibidos para os grandes viñedos do centro e Sur de España, en Galicia son caros e non se adaptan nin ao minifundio nin á viticultura a tempo parcial.
Ante esta situación, a Consellería do Medio Rural anunciou este xoves que convocará a próxima semana a Comisión Territorial de Seguros Agrarios para abordar a evolución dos seguros no sector vitivinícola e, en xeral, todo o relacionado co aseguramento en Galicia.
Á reunión están convocados técnicos de distintos departamentos de Medio Rural, Agroseguro, Enesa, o Consorcio de Compensación de Seguros e a Delegación do Goberno, así como as organizacións agrarias. No marco da Comisión Territorial tamén se crearase un grupo de traballo no que participarán os portavoces dos Consellos Reguladores e a Estación de Viticultura e Enoloxía de Galicia (Evega).
Esta próxima semana as aseguradoras prevén rematar a peritaxe nas zonas afectadas para activar as compensacións económicas
Segundo informa a Consellería, neste grupo tratarase de compartir información e ir da man do sector para seguir mellorando as pólizas e aumentar a súa aceptación por parte dos produtores, de tal forma que se incremente o grao de aseguramento no ámbito vitivinícola. No que respecta aos produtores que xa teñen seguros contratados, Enesa informou de que esta semana esta previsto rematar a peritaxe nas zonas afectadas para activar as compensacións económicas.
Tamén se prevé que representantes de Enesa e Agroseguros ofrezan charlas organizadas por cada Consello Regulador para informar de primeira man aos viticultores interesados e así resolver as súas dúbidas.
Unións demándalle a Feijóo “sensibilidade cos viticultores”
Pola súa parte, o sindicato Unións Agrarias fai un chamamento á “sensibilidade e responsabilidade” do presidente da Xunta de Galicia, Alberto Núñez Feijóo, para que lidere de xeito decidido un plan de actuación para as zonas produtoras de viño arrasadas polas xeadas da semana pasada e o pedrazo da presente.
Neste sentido, o sindicato non considera “xusto nin sensato entregar as entidades bancarias a potestade de decidir que explotacións sobreviven e cales se quedan no camiño ao non poder acceder a un crédito brando -a principal medida que propón a Xunta- por ser insolventes xa que non ten colleita na que ampararse”. “Resulta un contrasentido -advirten- que tendo a maior parte dos produtores perdas do 100% se habiliten so solucións ás que non van a poder acceder”.
A este respecto, Unións reclama que “solo a través de axudas directas por hectárea afectada se pode salvar o futuro de Valdeorras, Ribeiro, Ribeira Sacra ou Monterrei”.
Precisamente, para demandar axudas directas aos viticultores afectados, está convocada para este sábado unha mobilización en Ribadavia. Será ás 11:15 horas diante do IES Ribeiro.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta