O Observatorio do Mercado Lácteo da Unión Europea publicou este xoves as cotizacións desta primeira semana de xullo dos produtos lácteos nos mercados internacionais. A destacar a suba a manteiga, que se está achegando ao seu récord histórico -uns 7,70 euros o kilo de mediados do 2022- que, xunto coa recuperación do prezo do leite en pó enteiro, axuda a manter os prezos do leite no campo, compensando a baixada do leite en po desnatado e do queixo. O prezo do leite spot en Italia rematou xuño con subas e e quedou nos 0,55 euros o litro.
En concreto, no territorio da UE as cotizacións desta primeira semana de xullo para os produtos lácteos son as seguintes:
-Manteiga: 636 €/100 kg, +1,1 % nas últimas catro semanas
-Leite desnatado en po (SMP) 240 €/100 kg, -2,3 % ,,
-Leite enteiro en po (WMP): 385 €/100 kg, +1,9 % ,,
-Queixo cheddar: 385 € /100 kg -0,5% nas últimas catro semanas
En canto á poxa da cooperativa neozelandesa Fonterra, rexistrou esta semana unha forte baixada do 6,9%. Destacan os descensos da manteiga (10,2%, ata os 654 dólares), así como do leite en pó enteiro (-4.3%) e do queixo (-6.9%).
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta