O Sindicato Labrego Galego (SLG) e a Asociación Galega de Apicultura (AGA) veñen de rexistrar un escrito de queixa na Delegación do Goberno para denunciar o que consideran “uso masivo de glifosato por parte do Ministerio de Transportes, Mobilidade e Axenda Urbana (Mitma) para desherbar as beiravías e cunetas das estradas de titularidade estatal na Galiza”.
A través de diversas testemuñas, aseguran ter constatado o uso de herbicidas nas marxes da A-54, da A-8 e da N-547, “polo que se intúe o uso xeneralizado deste agrotóxico como modus operandi habitual do Mitma”. Ademais, no mesmo escrito, solicítase unha xuntanza co delegado do Goberno en Galicia, Javier Losada, para explicarlle o que cualifican de “tremendo impacto ecolóxico que ten o uso de glifosato no medio ambiente e para a saúde humana, especialmente nesta época do ano”.
“Aínda que o glifosato é de uso legal debido ás fortes presións da agricultura industrial para prolongar a súa utilización na Unión Europea, está previsto que sexa totalmente prohibido en territorio comunitario no ano 2022 debido aos graves riscos que entraña o seu uso, xa que se demostrou que é canceríxeno e perturbador endócrino para os seres humanos e devastador para insectos polinizadores como as abellas, (…) especialmente en plena primavera e comezos do verán, cando as plantas están en flor e as abellas e outros insectos están no seu pico de actividade ”, advirten AGA e o Sindicato Labrego.
Neste sentido, consideran que “aínda que se trata dun herbicida aínda legal, as institucións públicas deberían dar exemplo e ser as primeiras en deixar de usalo e substituílo polo desbroce mecánico, sobre todo se pensamos nas cantidades inxentes necesarias que se precisan para desherbar amplos tramos da rede de estradas do Estado”.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta