Pese a que gañaron os votos a favor, non se acadaron os dous terzos necesarios para ratificar a fusión de ambas cooperativas
Esta mañá os socios das cooperativas Cusoviame e Aira someteron a votación o proceso de fusión das dúas entidades que fora presentado polos presidentes de ambas cooperativas hai un mes e no que levaban tempo traballando. Nesta votación, os socios da cooperativa coruñesa Cusoviame decidiron non integrarse en Aira. Pese a que os votos a favor da integración foron maioritarios (89) fronte ás opinións en contra (86), non se acadaron os dous terzos que se precisaban para ratificar a fusión. No proceso de votación tamén se contabilizaron 3 abstencións.
Pola contra, a maioría dos socios da cooperativa lucense Aira, que tamén consultou ós seus integrantes a opción da fusión, apoiou maioritariamente o proceso.
De terse apoiado a fusión, AIRA ampliaría a súa base de socios fóra da provincia de Lugo, e nunha zona con gran actividade e potencial no sector lácteo como é a de Curtis. AIRA agrupa a unhas 1.200 explotacións de vacún de leite profesionais procedentes das fusións das cooperativas Agris, Coelplan, Cogasar, Icos e Aira. Pola súa banda, Cusoviame conta con 200 socios activos dos concellos coruñeses de Curtis, Aranga, Monfero, Sobrado dos Monxes, Guitiriz, Irixoa ou Oza dos Ríos.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta