O grupo francés Lactalis, líder mundial en produtos lácteos, e a primeira industria láctea española, adquiriu a recoñecida marca europea de queixos holandesa Leerdammer, nunha operación que inclúe Royal Bel Leerdammer Países Baixos, Bel Shostka Ucraína, a comercialización de produtos Bel en Italia, Alemaña e Ucraína e a marca Leerdammer con todos os seus dereitos asociados.
Desta maneira, Lactalis entra no mercado do queixo holandés e engade ao seu portfolio á primeira empresa europea de queixo en lonchas que, en termos globais, é tamén a segunda do mercado alemán, cuarta do francés e terceira do italiano.
Esta compra permitirá ao Grupo Lactalis establecerse a nivel industrial nos Países Baixos, onde até o momento só operaba comercialmente, xa que Bel conta con tres factorías nesta zona, e impulsar a súa actividade en Italia, Alemaña e Ucraína coa incorporación das filiais comerciais da marca. Coa operación, ademais, Lactalis incorpora ao seu grupo a case 1000 traballadores e 2000 produtores de leite.
Esta adquisición alíñase coas prioridades estratéxicas de Lactalis, entre as que se atopan o apoio ao desenvolvemento de produtos locais de calidade e reputación, a súa introdución en rexións cun alto nivel de crecemento e o impulso da súa carteira de innovacións.
O Grupo Lactalis, líder mundial en produtos lácteos, é unha empresa familiar con presenza en España desde 1983. Fundada en Francia en 1933, a nivel global atópase en 94 países, conta con 83.000 colaboradores, opera en máis de 250 fábricas e ten como obxectivo ofrecer ás persoas consumidoras unha gama cada vez máis ampla de produtos lácteos sans, saborosos, seguros e sustentables.
En España, na súa decidida aposta pola creación de valor nas rexións nas que opera, o Grupo Lactalis conta con 8 fábricas situadas na contorna rural nas que traballan máis de 2.000 persoas e colabora con máis de 2.300 gandeiros, sendo a compañía láctea española con máis granxas certificadas en Benestar Animal. Comprometida, ademais, coa economía circular, o coidado do medioambiente e os Obxectivos de Desenvolvemento Sustentable marcados por Nacións Unidas, Lactalis mellorou a sustentabilidade dos seus envases e reducido a pegada hídrica e de carbono da súa cadea de produción. Puleva, Lauki, RAM, El Castillo, Gran Capitán, Flor de Esgueva, El Ventero, Chufi, Galbani ou Président son algunhas das súas marcas.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta