Jhon Deere, seguida de New Holland foron as marcas de tractores máis vendidas en España en 2021, segundo constata o informe anual dos Rexistros Oficiais de Maquinaria Agrícola (ROMA) que elabora o Ministerio de Agricultura, Pesca e Alimentación.
En concreto, as doce marcas de tractores máis vendidas son as seguintes, coa súa porcentaxe sobre o total foron:
En total, cincuenta e sete marcas distintas de tractores comercializáronse en España, englobando máis de mil modelos distintos.
En total, o número de maquinaria agrícola nova rexistrada no ano 2021 creceu un 10,46 % con respecto a 2020 e alcanzou unha cifra global de 35.505 unidades. O investimento realizado foi de 1.209,7 millóns de euros.
Os datos de 2021 mostran un ascenso na inscrición de todos os tipos de máquinas novas, fóra da maquinaria automotriz, na que se produciu un lixeiro descenso de 3,48 %.
Os tractores ofrecen unha subida anual do 9,57 % e, aínda que non alcanzan os valores de 2019, é un incremento indicativo dunha volta á normalidade nos mercados de maquinaria tras un 2020 marcado pola pandemia da Covid-19.
O prezo medio dos tractores, sen incluír IVE, foi de 61.456 euros (703 €/kW), variando segundo o seu tipo de rodaxe da seguinte forma:
A destacar que o segmento máis numeroso é o de tractores entre 70-90 kW que representa o 32,6 % do mercado nacional, seguido dos que equipan motores de máis de 110 kW representan o 24,0 % do mercado nacional de tractores.
En canto á distribución territorial das vendas de tractores novos en 2021 foi a seguinte:
Finalmente, habería que destacar o elevado número de cambios de titularidade en tractores usados (28.069) que é 2,4 veces maior que aos de nova inscrición. Galicia (5.417) e Andalucía (4.432) son as comunidades autónomas onde máis se dá esta circunstancia.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta