Axudas para a mellora da calidade do leite e a súa certificación externa

A Consellería de Medio Rural destina 142.700 euros a subvencionar a implantación de guías de prácticas correctas de hixiene en gandarías adicadas á produción láctea de vacún, ovino e caprino; así como para a certificación externa da posta en marcha de tales guías.

Poderán ser beneficiarios destas axudas as centrais de compra, as cooperativas e sociedades agrarias de transformación que teñan entre os seus obxectivos a comercialización ou a transformación de leite de vaca, ovella ou cabra, e as agrupacións e as asociacións de produtores de leite que cumpran os requisitos establecidos na orde.

O prazo para presentación de solicitudes para acollerse a estas axudas será dun mes, a partir de mañá, día seguinte ao da publicación desta orde no DOG.

As actuacións incluídas nos programas solicitados ao abeiro desta orde de axudas rematarán o 1 de outubro de 2015. As axudas poderán ser concedidas ás actividades emprendidas ou realizadas no prazo establecido nesta convocatoria. As xustificacións técnicas e económicas da realización do programa deberán presentarse antes do 15 de outubro de 2015.