A adega Alejandro Ramón Blanco Dijkhoff recibe a certificación para etiquetar os seus viños como branco e tinto Monterrei
A sede do Consello Regulador acolleu unha reunión do Comité de Certificación da Denominación de Orixe Monterrei, destinada a valorar a certificación dunha nova adega do territorio vitivinícola.
Unha vez o Comité constatou que esta adega superou todos os requisitos necesarios, a adega Alejandro Ramón Blanco Dijkhoff (situada en Mourazos, Verín) pasa a certificar os seus viños baixo a tipoloxía: branco Monterrei e tinto Monterrei. Esta certificación posibilita que a adega utilice no etiquetado das súas botellas as tirillas distintivas da D.O. Monterrei.
Con esta incorporación, xa son 29 as adegas inscritas e certificadas pola Denominación de Orixe Monterrei, que aglutina os municipios de Castrelo do Val, Monterrei, Oímbra, Riós, Verín e Vilardevós.
Os viñedos de Monterrei ocupan 720 hectáreas de territorio, nas que traballan 375 viticultores.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta