Unións Agrarias considera escasas as axudas destinadas pola Consellería de Medio Ambiente para enfrontar danos no agro pola fauna salvaxe. En total, a organización sinala que a Consellería destina 2,6 millóns de euros para cubrir tanto danos (2 millóns de euros) como medidas de prevención, “o que representa un 12% menos que o pasado ano”.
“É unha partida escasa que non significa máis que un parche a unha situación que está totalmente desmandada”, valora Unións. A organización agraria considera prioritario afrontar o control das poboacións de xabarín e lobo, pois entende que os danos evidencian o progresivo aumento das mesmas.
Tamén advirte Unións da conveniencia de ter controladas as poboacións de xabarín para o caso de que chegue a peste porcina africana a España. Para o seu control, Unións subliña a importancia da caza e chama a non limitar o esforzo de caza debido a un menor número de días hábiles, “pois poderíase dar lugar a situacións insostibles en moitas comarcas”.
Outra cuestión que se critica desde o sector é o atraso no pago das axudas, xa que hai gandeiros con danos por fauna salvaxe denunciados no 2019 que aínda non percibiron as correspondentes indemnizacións.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta