Axudas para a creación de organizacións de produtores

Medio Rural destina un total de 1,5 millóns de euros para a creación de organizacións de produtores. As axudas van dirixidas a financiar a constitución e o funcionamento das organizacións de produtores durante un máximo de cinco anos, con un límite por organización de 100.000 euros anuais.

Tamén se establece como tope que a axuda non pode superar no primeiro ano o 10% do valor da produción comercializable pola organización de produtores. Ese límite vaise reducindo cada ano ata o 6% na última anualidade de axudas.

Poden optar a esta axuda as organizacións de produtores de calquera sector a excepción do porcino e do avícola, debendo estar oficialmente recoñecidas polo Ministerio de Agricultura.