Impex Europa, líder en España en venda de raticidas como Ratibrom, lanza ao mercado Tanzil, un produto ecolóxico e de fácil uso que escorrenta a aves e pequenos animais dos lugares onde poidan ser un problema
A empresa galega Impex Europa acaba de lanzar ao mercado Tanzil, un novo repelente sonoro para aves e pequenos animais, como gatos, ratos ou ratas.
Tanzil consiste nunha cinta que emite unha vibración penetrante que escorrenta a aves e pequenos animais. Pódese aplicar en calquera lugar onde os paxaros sexan un problema, tanto no fogar como na horta e a gandaría, como almacéns de cereais, froiteiras, hortas..etc. Pero tamén en piscifactorías, hostalaría e restauración, embarcacións deportivas, edificios e monumentos…etc.
O modo de emprego é sinxelo: recoméndase instalar a cinta en postes ou outro soporte, en tramos de entre 3 a 8 metros asegurándoa con dúas ou tres voltas en cada poste. Débese tensar ben para un mellor funcionamento evitando espirais, ata completar a lonxitude necesaria.
“Trátase dun produto altamente eficaz que, ademais, conta tamén coas vantaxes de ser un produto ecolóxico, non tóxico, seguro e fácil de instalar”, destacan desde Impex Europa.
Modo de emprego:
Impex Europa: empresa líder no sector con produtos como Ratibrom
Impex Europa é unha empresa familiar galega con sede e centros de produción en Vilagarcía de Arousa. É líder no mercado de España e de Portugal e un referente no sector de raticidas, con produtos tan recoñecidos como Ratibrom. Actualmente conta cun cadro de persoal de 50 traballadores.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta