As vendas de tractores novos medran un 67% en Galicia en setembro

As vendas de tractores novos en Galicia alcanzaron as 77 unidades o pasado mes de setembro, un 67,4% máis respecto ao mesmo mes de 2015. No conxunto do Estado as vendas deste tipo de maquinaria situáronse en 1.219 unidades, un 47,04 % máis que o respecto de setembro do ano pasado.

Así se desprende da última estatística sobre Inscrición de Maquinaria que difunde mensualmente o Ministerio de Agricultura, Alimentación e Medio Ambiente (Magrama).

O total de maquinaria agrícola nova vendida en Galicia en setembro situouse en 284 unidades, un 8,4% máis con respecto ao mesmo mes do ano pasado. No conxunto de España as vendas globais ascenderon a 3.002 unidades, cun crecemento interanual do 6,4%.

No período acumulado entre xaneiro e setembro de 2016 as vendas de tractores creceron en toda España un 11,02 % (7.877 unidades) respecto ao mesmo período do pasado exercicio. En canto ao total de maquinaria agrícola as vendas ascenderon a 24.439 no primeiros nove meses do ano (+1,25 %).

Tras os tractores, a maquinaria agrícola máis demandada en setembro foron os equipos de tratamentos (545 unidades), os remolques (488 unidades), a maquinaria de preparación e traballo do chan (167), os equipos para achega de fertilizantes e auga (149) e os equipos de recolección (166 unidades).

Dos 1.219 tractores novos vendidos en setembro, os máis demandados foron os da marca John Deere (264 unidades), Deutz-Fahr (221), New Holland (185) e Kubota (75)