Vía Romana é a adega emblemática con vistas ao escarpado val do Miño na Ribeira Sacra
A familia adegueira Méndez-Rojo ofrece unha degustación de oito dos seus viños procedentes das cinco Denominacións de Orixe galegas na súa adega Vía Romana.
Vía Romana é a adega emblemática con vistas ao escarpado val do Miño na Ribeira Sacra, onde o viño é arte e cultura. É aí onde terá lugar unha degustación pausada de oito viños exclusivos da marca Méndez-Rojo, que recollen as cinco Denominacións de Orixe de Galicia. Unha velada primaveral en plena natureza. Non faltarán explicacións e comentarios dos nosos expertos.
Para maximizar o pracer sensorial, farase a maridaxe con produtos típicos da zona, entre eles, os queixos Airas Moniz e que as conservas de A Conserveira. O venres 22 de Marzo, a partir das 20:00, será o comezo deste evento imprescindible para todo amante da cultura e gastronomía de Galicia. O prezo desta cata convertida nunha experiencia única será de 38€.
Vía Romana é unha das cinco adegas pertencentes á familia adegueira Méndez-Rojo que leva especializándose no mundo do viño desde 1940. Marcado polo seu compromiso coa terra e a constante innovación, Méndez Rojo impulsa viños de calidade en todas as denominacións de orixe galegas.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Deixa unha resposta