Unha delegación de gandeiros de Agromuralla, encabezada polo seu portavoz, Roberto López, ten previsto reunirse esta tarde coa conselleira do Medio Rural, Ángeles Vázquez, para analizar as mobilizacións do sector lácteo. A reunión está prevista para as 17:30 horas na sede da Consellería en Santiago.
Tras a reunión coa conselleira, ás 22:30 horas celebrarase en Lugo unha asemblea informativa cos gandeiros diante do Multiúsos.
Para esta mañá, Agromuralla ten prevista unha manifestación polas rúas de Lugo. Sairá ás 12:00 da Praza do Ferrol, pasando por diante de varios edificios oficiais situados dentro da Muralla e rematará no punto de saída, onde se lerá un manifesto. Nesta manifestación, as protagonistas serán de novo as mulleres gandeiras con seus fillos, para reclamar futuro para o sector produtor de leite.
De Heus Nutrición Animal lanza Dairy Compass, unha solución tecnolóxica avanzada que analiza e monitoriza, en tempo real, os datos clave das…
Se non fora porque hoxe é 23 e non 28 de decembro. a coisa semellaría cando menos unha boa inocentada.